सलाइ टाइटुको गवाही
म्यानमार

रोमी ८:२८ मा लेखिएको छ:
"हामी जान्दछौँ कि परमेश्वरलाई प्रेम गर्नेहरूका निम्ति, अर्थात् उहाँको उद्देश्यअनुसार बोलाइएकाहरूका निम्ति, सबै कुराहरूले मिलेर भलाइ नै उत्पन्न गर्छन्।"
म दुःखी हुँदा वा कुनै चुनौतीको सामना गर्दा परमेश्वरले यही पदद्वारा मसँग बोल्नुहुन्छ। यसलाई शक्तिशाली वचन भन्नु गलत हुँदैन। म आजसम्म बढ्न र परिपक्व हुन सकेको छु भने त्यो मेरो आफ्नै प्रयासले होइन, केवल परमेश्वरको कृपाले हो।
मैले गर्न सक्ने सबैभन्दा उत्तम कुरा भनेको प्रार्थना गर्नु, परमेश्वरमा भरोसा गर्नु, उहाँको वचनमा विश्वास गर्नु र उहाँले हरेक समयमा मलाई सहायता गर्न सक्नुहुन्छ भन्ने कुरामा अटल रहनु हो। म कमजोर हुँदा आफ्नो मनको कुरा मानिसहरूलाई भन्नुभन्दा पहिले परमेश्वरसँग प्रार्थना गर्छु। उहाँ सधैँ मेरा प्रार्थनाहरू सुन्नुहुन्छ र उचित समयमा उत्तर दिनुहुन्छ।
मेरो गवाही पढ्ने प्रत्येक जनालाई म प्रोत्साहन दिन चाहन्छु। परमेश्वर ढिलो गर्नुहुने परमेश्वर होइन, तर उचित समयमा उत्तर दिनुहुने परमेश्वर हुनुहुन्छ। हामीले विश्वासका साथ उहाँसँग माग्नुपर्छ र उहाँ सधैँ हाम्रो साथमा हुनुहुन्छ भन्ने विश्वास गर्नुपर्छ, चाहे हामी जतिसुकै कमजोर किन नहोऔँ।
परमेश्वरले हामी सबैलाई अत्यन्त प्रेम गर्नुहुन्छ। परमेश्वरले तपाईँहरू सबैलाई प्रशस्त आशिष् दिनुभएको होस्।