တောင်ထိပ်၌ရှိသော ချစ်ခြင်းမေတ္တာ

မကြာသေးခင်က ကျွန်တော့်ရဲ့ဇာတိမြို့မှာ ကျမ်းစာသင်တန်းတစ်ခု လုပ်ခဲ့ပါတယ်။ အဲဒီတုန်းက အေးရှလင့်ခ် (AsiaLink) က အွေစတိန်း အော်ဆင် (Øystein Åsen) လာပြီးတော့ သင်တန်းပေးသွားတာပါ။ သင်တန်းပြီးတော့ လူတွေ အိမ်ပြန်သွားကြတယ်။ ဒါပေမဲ့ နောက်ရက် နည်းနည်းကြာတဲ့ တနင်္ဂနွေ ဝတ်ပြုချိန်မှာတော့ ကျွန်တော်တို့ အသင်းသားတွေဆီက သက်သေခံချက်တွေ ကြားခဲ့ရပါတယ်။ သူတို့က ဖခင်မေတ္တာနဲ့ပတ်သက်တဲ့ သင်ခန်းစာကြောင့် အများကြီး ကောင်းချီးခံစားရတယ်လို့ပြောကြပါတယ်။ အသင်းတော်ထဲမှာတောင် ချစ်ခြင်းမေတ္တာ ပျောက်ဆုံးနေတဲ့နေရာတွေ အများကြီးရှိပါတယ်။ မိသားစုထဲမှာလည်း ဒီလိုပါပဲ။ ဒီ ချစ်ခြင်းမေတ္တာ ဆိုတဲ့ စကားလုံးက လူအများစုရဲ့ ဘဝထဲကနေ ပျောက်ကွယ်နေခဲ့တာပါ။

အခု ကျွန်တော့်အသင်းသားတွေက ဒီနှုတ်ကပတ်တော်ကြောင့် သူတို့တကယ်ပဲ ကောင်းကြီး ခံစားရတယ်၊ ဒါဟာ သူတို့ တကယ်လိုအပ်နေတဲ့၊ ရှာဖွေနေတဲ့ စကားပါပဲလို့ပြောပါတယ်။ လူတွေများစွာ အားတက် ပြီး စိတ်ဓာတ်ခွန်အား တွေ ရသွားပါတယ်။ အသင်းတော်တွေ အများကြီးကို တာဝန်ယူရတဲ့ သင်းအုပ်ဆရာတွေအနေနဲ့ ကျွန်တော်တို့မှာ အခက်အခဲတွေ၊ အနိမ့်အမြင့်တွေ အများကြီး ကြုံရပါတယ်။ ဒီနှုတ်ကပတ်တော်ကို နားထောင်ခွင့်ရတော့ ကျွန်တော်တို့ တကယ် ကောင်းကြီးခံစားခဲ့ရပါတယ်။ အွေစတိန်း နဲ့ သူ့အဖွဲ့ကို စိတ်ရင်းအမှန်နဲ့ ကျေးဇူးတင်ပါတယ်။"

ပါစတာပရီမဲလ် ရဲ့သက်သေခံချက်အားဖြင့် မှတ်သားဖွယ်ရာအချက်တစ်ခုကို တွေ့ရပါတယ်။ အဲ့တာကတော့ သခင်ယေရှုဟာ ဘယ်နေရာပဲဖြစ်ဖြစ် လူတိုင်းဆီကို ရောက်နိုင်တယ် ဆိုတာပါပဲ။ နောက်ထပ် ဘာကို သတိရသင့်လဲဆိုတော့ လူတိုင်းဟာ ဘယ်လောက်ပဲ ဝေးလံတဲ့နေရာမှာ နေပါစေ၊ ဖခင်မေတ္တာကိုလိုအပ်ပါတယ်။ ခံစားရဖို့လည်းထိုက်တန်ပါတယ်။ ဒီမေတ္တာက ဘုရားသခင် လူသားတွေကိုပေးထားတဲ့အထဲ ကြီးမားတဲ့လက်ဆောင်လည်းဖြစ်ပါတယ်။ အဲ့ဒီမေတ္တာက အဝေးမှာရှိနေတာမဟုတ်ပါဘူး။ ရှာရလည်းမခက်ပါဘူး။ အခုတောင် မိတ်ဆွေကို စောင့်နေပါတယ်။ အဲဒီမေတ္တာတော်ကို အဖဘုရားသခင်ထံကနေ ရနိုင်ပါတယ်၊ ဒါဟာ မိတ်ဆွေအတွက်ပဲ ဆိုတာကို သတိရဖို့ တိုက်တွန်းနှိုးဆော်လိုက်ပါတယ်။ အရောက်တိုင်း ဘုရားသခင်ကောင်းကြီးပေးပါစေ။