ဒေဗောရသည် သူမ၏ ယုံကြည်ခြင်းကြောင့် ထောင်ကျခဲ့သည်။

လူတွေက ကျွန်မတို့စကားကို နားထောင်ပြီး ဘုရားသခင်ရဲ့ ဝိညာဉ်တော် အတူပါရှိခြင်းကြောင့် လူများစွာ နောင်တရခဲ့ကြတယ်။အဲ့အချိန်တုန်းက တရားဟောနည်းကို ကျွန်မ မလေ့လာခဲ့ရသေးပါဘူး၊ ဒါကြောင့် သိနားလည်သလောက် စကားအနည်းငယ်သာပြောနိုင်ခဲ့တယ်။ကျွန်မ ၁၆နှစ်အရွယ်ရောက်တဲ့အခါမှာ ရဲတွေလိုက်ရှာလောက်တဲ့အထိ နာမည်ရလာခဲ့တယ်။"ဒီကောင်မလေးဟာ စိတ်မနှံ့သူဖြစ်ပြီး သူမကို ရဲများကအလိုရှိတယ်"လို့ရေးထားပြီး ကျွန်မပုံပါတဲ့ ပိုစတာတွေကို နံရံတွေ၊ သစ်ပင်တွေမှာကပ်ထားခဲ့ကြတယ်။တစ်နေ့မှာတော့ အခြားခရစ်ယာန် အယောက် ၇၀ကျော်နဲ့ အစည်းအဝေးတစ်ခုမှာ ကျွန်မရှိနေခဲ့တယ်။ ရဲဆယ်ယောက်ကျော်ရောက်လာခဲ့ပြီး ကျွန်မတို့ အားလုံးကို ဖမ်းသွားခဲ့တယ်။ကျွန်မတို့အား ရဲစခန်းကိုခေါ်သွားခဲ့ပြီးအခြားသူများစွာနဲ့ ကျွန်မကို အကျဉ်းချထားခဲ့ကြတယ်။

တရုတ်နိုင်ငံရဲ့အကျဥ်းခန်းတွေထဲမှာ ဘာမှမရှိပါဘူး။ ညစ်ပတ်နေတဲ့ကြမ်းပြင်ပဲရှိပါတယ်ပြီးတော့ ကြမ်းပြင်နဲ့ နံရံတွေမှာ သွေးအချို့ရှိတယ်။ကြမ်းပြင်မှလွဲပြီး အိပ်စရာနေရာမရှိဘူး။ ၅၀စင်တီမီတာလောက်ကျယ်တဲ့အခန်းထဲမှာ ကျွန်မတို့တစ်ယောက်ချင်းစီ အိပ်ဖို့မျဉ်းတွေတားထားတယ်။သုံးရက်ကြာတဲ့အထိ ကျွန်မတို့ဘာမှမစားခဲ့ရဘူး။ သုံးရက်မြောက်နေ့မှာတော့ ရဲရောက်လာပြီး ခေါင်းဆောင်ဘယ်သူလဲလို့ မေးခဲ့တယ်။လူတိုင်းက ကျွန်မကို ညွှန်ပြခဲ့ကြတယ်။ကျွန်မသည် ခေါင်းဆောင်ဖြစ်ကြောင်း အတည်ပြုပြောခဲ့ပါတယ်။ အဲ့နောက်မှာတော့ ကျွန်မတို့ သုံးယောက်ကလွဲပြီး ကျန်တဲ့သူအားလုံးလွတ်မြောက်သွားတယ်။ ကျွန်မတို့သုံးယောက်ကိုတော့ ပိုကြီးတဲ့ထောင်ကို ပို့ခဲ့ကြတယ်။

ထောင်အသစ်ကို ပြောင်းရွှေ့ခံပြီးနောက် ပြည့်တန်ဆာအမျိုးသမီး တစ်ဒါဇင်နဲ့အတူ ကျွန်မကိုအကျဉ်းချထားခဲ့ကြတယ်။ အဲ့ဒီကအခြေအနေတွေဟာ သိပ်ကြောက်ဖို့ကောင်းပါတယ်။ သွားတိုက်တံ၊ သွားတိုက်ဆေးတွေမပေးကြတဲ့အတွက် နှစ်လကြာတဲ့အထိကျွန်မ သွားမတိုက်နိုင်ခဲ့ရဘူး။ မိန်းကလေးတွေကို တကယ်အခက်တွေ့စေတဲ့အရာက အခြောက်ခံစက္ကူတစ်မျိုးတစ်လေမှ ကျွန်မတို့မရခဲ့ပါဘူး။ အဝတ်အစားအားလုံးကို မည်သူမဆို အသုံးပြုခဲ့ကြရတယ်။ ကျွန်မတို့ရဲ့ အတွင်းခံကိုပင် ကျွန်ုပ်တို့ကြားတွင် ဝေမျှသုံးခဲ့ရပါ တယ်။ ဒါပေမဲ့ ဘုရားသခင်ရဲ့လက်တော်က ကျွန်မနဲ့အတူရှိမြဲဖြစ်တယ်။ ထိုပြည့်တန်ဆာများစွာဟာ အပြင်းဖျားခဲ့ကြတယ်။ တစ်ယောက်က အသက်ဆုံးရှုံးခါနီးဖြစ်ခဲ့တယ်။ အေအိုင်ဒီအက်စ်ရောဂါကြောင့် ဖြစ်နိုင်ခြေ များတယ်။

သူမ အသက် 13 နှစ်ကတည်းက ပြည့်တန်ဆာဖြစ်ခဲ့ပြီး အလွန်နှုတ်ကြမ်းသောသူဖြစ်တယ်။ ကျွန်မ ခေါင်းငုံ့ပြီး ဆုတောင်းသောအခါတိုင်း သူမဟာ ရဲကို အကြောင်း ကြားပြီး သူတို့ကျွန်မကို လာရိုက်ကြပါတယ်။ တစ်ခေါက်မှာတော့သူတို့အလွန် စိတ်ဆိုးခဲ့ကြတယ်။ ရဲနှစ်ယောက်က ကျွန်မကို အော်ဟစ်ပြီး ဧ၀ံဂေလိဟောပြောဖို့ ကျွန်မကို ဘယ်သူခိုင်းတာလဲဆိုပြီး မေးမြန်းခဲ့ကြတယ်။ ဘုရားသခင်စေခိုင်းတာဖြစ်ကြောင်း ကျွန်မသူတို့အားပြောခဲ့ပါတယ်။ “ငါတို့က ကွန်မြူနစ်တွေဖြစ်တယ်။ ပြီးတော့ ဒီနိုင်ငံမှာ ကွန်မြူနစ်ကသာ ဘုရားဖြစ်တယ်။”လို့သူတို့ပြောခဲ့ကြတယ်။ “မင်းငါတို့ကိုပါ တရားဟောဖို့ စီစဉ်နေတာလား။” လို့သူကမေးခဲ့တယ်။ ကျွန်မက "ဟုတ်တယ် မင်းနောင်တမရရင် မင်းငရဲကိုရောက်သွား မယ်ဆိုတဲ့အကြောင်းပြောဖို့စီစဥ်နေတာ" လို့ပြန်ဖြေခဲ့တယ်။ သူအလွန်ဒေါသထွက်သွားခဲ့တယ်။ ကျွန်မအသက်ဟာ မြေကြီးပေါ်က ပုရွက်ဆိတ်လိုပဲ လို့သူကပြောခဲ့တယ်။

ဖန်ကွဲစလေးများ၊ ကျောက်တုံးလေးများနှင့် ပြည့်နေတဲ့ မြေပေါ်မှာ ကျွန်မအား ဒူးထောက်ခိုင်းခဲ့ကြတယ်။ ကျွန်မ လက်နှစ်ဖက်ကို ရှေ့တည့်တည့်ဆန့်ထားခိုင်းပြီး ဘုရားသခင် တကယ်ရှိတယ်ဆိုရင် ဘာကြောင့် ကျွန်မကို မကယ်တင်တာလဲလို့ မေးရင်း အချိန်ပြည့် လှောင်ပြောင် နေခဲ့ကြတယ်။နောက်ဆုံးမှာ ကျွန်မ မောပြီးလက်တွေကျလာတဲ့အချိန်တိုင်း သူတို့က ကျွန်မ မျက်နှာကို ရိုက်ကြတယ်။ကျွန်မမူးမေ့လဲခါနီးအဆုံးမှာတော့ "ကိုယ်တော့်သမီးအားနည်းနေပြီမို့ ကိုယ်တော့်ဘုန်းတန်ခိုးကိုပြပါ" လို့ ဘုရားသခင်ကို ကျွန်မပြောခဲ့တယ်။ ရုတ်တရက် အခန်းထဲကို ဝင်လာတဲ့ကောင်းကင်တမန်နှစ်ပါးကို မြင်လိုက်ရသလို သူတို့က ကျွန်မရဲ့လက်နှစ်ဖက်ကို မြှောက်ကိုင်ထားပေးဖို့ ကျွန်မရဲ့ဘေးတစ်ဖက်တစ်ချက်စီမှာ တစ်ယောက်စီ နေရာယူခဲ့ကြတယ်။ ပင်ပန်းနွမ်းနယ်မှုနှင့် နာကျင်မှုကြောင့် ကျွန်မမျက်နှာဟာဖြူရော်နေခဲ့ပေမဲ့ ယခုမှာတော့ ရုတ်တရက် နွေးလာပြီး ရဲလာပါတယ်။

အရာရှိနှစ်ယောက်လုံး ကြောက်လန့်သွားကာ ကျွန်မအား အချုပ်ခန်း ထဲသို့ ပြန်ပို့ဖို့ အကူအညီခေါ်ခဲ့ကြတယ်။ကျွန်မဆုတောင်းနေချိန်ကျွန်မကို တိုင်လေ့ရှိသော အသက် ၁၇နှစ်အရွယ် မိန်းကလေးက ကျွန်မပြန်ရောက်လာချိန်မှာ ကျွန်မကို သူတို့ဆုတောင်းနေချိန်တွင် ကျွန်မအား ရောင်းစားခဲ့ဖူးသော အသက် ၁၇ နှစ်အရွယ် မိန်းကလေးက သူတို့ ဘာကြောင့် ကျွန်မကို ရိုက်နှက်ခဲ့တာလဲဆိုပြီး သိချင်နေခဲ့ပါတယ်။ယေရှုကို ယုံကြည်လို့ ဖြစ်တယ်ဆိုပြီး သူမအားပြောပြခဲ့တယ်။'ယေရှုတကယ်ရှိတယ်ဆိုရင် ကျွန်မကိုလည်း ကူညီပေးနိုင်မှာလား' လို့သူမမေးတဲ့အခါ ‘ဒါပေါ့။’ လို့ကျွန်မဖြေပြီး သူမအပေါ် လက်တင်ပြီး သူမ အတွက် ဆုတောင်းပေးခဲ့ပါတယ်။သူမ စတင်တုန်ခါလာကာ 'လျှပ်စစ်ဓာတ်က ကျွန်မခန္ဓာကိုယ် ထဲရွေ့လျားနေတယ်'လို့ အော်ပြောခဲ့တယ်။ခဏအကြာမှာတော့ 'အခု ကျွန်မနေကောင်းပြီလို့ ခံစားရတယ်' လို့ သူမပြောခဲ့ပါတယ်။ သူမခုန်ပေါက်ပြီး ပျော်ရွှင်နေခဲ့ပါတယ်။

သူမ တခြားပြည့်တန်ဆာတွေကိုပြောပြတဲ့အခါ သူတို့အားယေရှုကို ယုံကြည်ရမယ်၊ ပြီးနောက် သူတို့အတွက် ဒေဗောရကို ဆုတောင်းခိုင်းရမယ်လို့ ပြောခဲ့တယ်။သူမကိုယ်တိုင်က ဧဝံဂေလိသမားတစ်ယောက်ဖြစ်လာခဲ့ပြီး အကြိမ်များစွာ အတူသီဆိုကာ သခင်ဘုရားကို ကိုးကွယ်ခဲ့ကြပါတယ်။ အခြားပြည့်တန်ဆာများလည်း ခရစ်ယာန်များဖြစ်လာခဲ့ကြပါတယ်။ ဘုရားသခင်သည် ပျောက်ဆုံးသွားသော မိန်းကလေးများစွာအတွက် ဤအခြေအနေကို ကယ်တင်ခြင်းသို့ ပြောင်းလဲပေးနိုင်ခဲ့တယ်။ တရုတ်နိုင်ငံမှာ ကလေးသူငယ်များကို တရားဝင်ထောင်ချလို့မရပါဘူး။သင့်ကို အသက် 18 နှစ်မပြည့်ခင်အထိ ကလေးလို့သတ်မှတ်ထားတာကြောင့် ကျွန်မသည် ရက်သတ္တပတ်အနည်းငယ်အကြာမှာ ပြန်လွတ်လာခဲ့ပါတယ်။ဒီအရာတွေဟာ ကျွန်မလှည့်စားခံရလို့ဖြစ်ကြောင်းနဲ့ ဒါတွေဟာအစွန်းရောက်တွေဖြစ်ကြောင်း ဝန်ခံချက်ရေးဖို့ ကျွန်မကို အချိန်တစ်လပေးခဲ့ပါတယ်။ အဲ့လိုဖြစ်မလာပဲ ရဲတွေဆီမှာ ကျွန်မအကြိမ်ကြိမ်အဖမ်းခံရတာပဲဖြစ်ပျက်ခဲ့ပါတယ်။"