ရိုဘီနာအင်ဒေးယာဂေါင်း

ကျွန်မကတော့ အသက် ၆၈နှစ်အရွယ် Robina Inday Yagao ဖြစ်ပြီး ဖိလစ်ပိုင်နိုင်ငံ Toril Davao မြို့မှာနေထိုင်ပါတယ်။ ကျွန်မက မုဆိုးမတစ်ယောက်ဖြစ်ပြီး ကလေးခြောက်ယောက်ထဲမှာ လေးယောက်ကျန်ခဲ့ပါတယ်။ ကျွန်မငယ်ငယ်တုန်းက ယေရှုခရစ်တော်နဲ့ ဆုံခဲ့ပြီး ငယ်ရွယ်တဲ့အချိန်မှာကတည်းက ဘုရားကျောင်းတက်ခဲ့တယ်။ ဒါပေမဲ့ ဒါဟာ အပေါ်ယံသက်သက်သာဖြစ်ခဲ့တယ်။
ကျွန်မ ကြီးပြင်းလာတဲ့ချိန်အထိ လောကီအရာတွေကိုပဲလုပ်နေတယ်။ကျွန်မမှာ ရိုးသားတဲ့ ယုံကြည်ချက်တွေ မရှိဘူး။ ပြီးတော့ ကျွန်မမိဘတွေလည်း ဘုရားကျောင်းကို မသွားကြဘူး။ ကျွန်မဘယ်လိုနှိမ့်ချရမှန်းလည်းမသိဘူး။ တစ်ယောက်ယောက်က ကျွန်မကို အနိုင်ကျင့်ရင် ပြန်လုပ်ပြီး တစ်သက်လုံး တစ်ယောက်ကို တစ်ယောက် မနှုတ်ဆက်ရင်တောင်မှ ကျွန်မအဲ့အခြေအနေကိုလက်ခံတယ်။ကျွန်မ ဆိုးတဲ့စကားတွေကိုပြောတယ်။
အသက် ၆၀ မှာကျွန်မဘုရားသခင်ဆီပြန်လာခဲ့တယ်။ ဘုရားကျောင်းကိုသွားရုံသွားပြီး သိပ်နက်နဲမှု မရှိသေးပါဘူး။ ဘုရားသခင်က ကျွန်မကို အခြားအသင်းတော်တစ်ခုဖြစ်တဲ့ နှစ်ခြင်းအသင်းတော်သို့ ခေါ်ဆောင်လာတဲ့အထိပေါ့။ သင်းအုပ်ဆရာ ဇနီးမောင်နှံနှစ်ယောက်ရဲ့ အသင်းသားတွေနဲ့ ဧည့်သည်တွေကို ဆက်ဆံပုံတွေက ထူးခြားပြီး အံ့သြစရာကောင်းပါတယ်။ ကျွန်မဘုရားသခင်ရဲ့ ချစ်ခြင်းမေတ္တာကို ထပ်ပြီး ခံစားခဲ့ရတယ်။ အမှုတော်ဆောင်ချိန် သူတို့ပြသတဲ့ ဆက်ကပ်မှုကတကယ့်ကို အထင်ကြီးစရာကောင်းတယ်။ သူတို့မှာ ရက်ရောတဲ့နှလုံးသားများရှိပြီး လူအပေါ်မဟုတ်ဘဲ ဘုရားသခင်ရဲ့ပံ့ပိုးပေးမှုကို အမှန်တကယ်အားကိုးကြတယ်။ ကျွန်မတို့အသင်းတော်ရဲ့ လိုအပ်တဲ့အချိန်တွေမှာ အသင်းသားတွေက ငွေကြေးအချို့ကို လှူဒါန်းလိုတဲ့အချိန်တွေရှိပါတယ်။ ဒါပေမဲ့ Arakanမှာရှိတဲ့ ကျွန်မတို့ရဲ့ သင်းအုပ်ဆရာက အသင်းသားတွေမှာလည်းသူတို့ရဲ့ လိုအပ်ချက်တွေရှိတယ်ဆိုတာ သူသိတဲ့အတွက်ကြောင့် အလှူငွေမထည့်စေပါဘူး။
အဲ့ဒီအစား၊ ကျွန်မတို့ရဲ့သင်းအုပ်ဆရာက ကျွန်မတို့ကို ဆုတောင်းခြင်းမှာ ရင်းနှီးမြှုပ်နှံဖို့အားပေးပြီး ကျွန်မတို့ရဲ့ လာမယ့်ကျေးဇူးတော်ချီးမွမ်းခြင်းများအတွက် လိုအပ်ချက်များကို ဘုရားသခင်ဖြည့်ဆည်းပေးခွင့် ပြုစေတယ်။ အဲဒါကြောင့် သူတို့ရဲ့ယုံကြည်ခြင်းကို ကျွန်မပိုအံ့သြမိတယ်။ သူတို့က ယုံကြည်ခြင်းကို ဟောပြောရုံသာမက ကျင့်သုံးတဲ့အတွက် ကျွန်မရဲ့နှလုံးသားကို တို့ထိပါတယ်။ သူတို့က အသင်းဝင်များအတွက်လည်း စံနမူနာကောင်းများ ချမှတ်ပေးခဲ့တယ်။ သူတို့ရဲ့ လိုအပ်ချက်တွေ အများကြီးရှိနေပေမဲ့ တခြားသူတွေကို ကူညီပေးနိုင်တုန်းပါပဲ။ လူတွေမှာအားနည်းချက်တွေရှိတဲ့အတွက် လူတွေအပေါ်အာရုံမစိုက်ပဲ ဘုရားသခင်ကိုပဲ ယုံကြည်တဲ့အနေရာမှာ အာရုံစိုက်ဖို့ ကျွန်မတို့ကို အားပေးပါတယ်။