Mai Thi Thao

ဘုရားသခင်ကိုယုံကြည်ပြီးကတည်းက တစ်မိသားစုလုံး ဘုရားသခင်ကို ယုံကြည်လာပြီး သူ့ကိုအတူတကွကိုးကွယ်နိုင်ကြဖို့ ကျွန်မခင်ပွန်း၊ သားသမီးများနဲ့၊ မြေးတွေအတွက် အမြဲဆုတောင်းခဲ့ပါတယ်။ ဘုရားသခင်နဲ့နေ့တိုင်းလျှောက်လှမ်းရင်း သူ့ကိုပိုပြီးတွေ့ကြုံခံစားလာရတယ်။ ပြဿနာတွေကြုံတွေ့ရင်တောင် ကျွန်မငြိမ်သက်ပါတယ်။ အရင်ကလို ကျွန်မ အကြောက်တရားမရှိတော့ပါဘူး။ ကျွန်မဆုတောင်းတိုင်းလည်း ဘုရားကအဖြေပြန်ပေးပါတယ်။ ကျွန်မရဲ့မိသားစုကိစ္စတွေကို ကောင်းကြီးပေးပါတယ်။ အခုမှာတော့ ကျွန်မတို့ကိုယ်ပိုင် အိမ်နှစ်လုံးဆောက်ပြီးပါပြီ။
ဘုရားသခင်က မိသားစုလိုအပ်သောလိုအပ်ချက်များကို ထောက်ပံ့ပေးခဲ့ပါတယ်။ ကျွန်မဆုတောင်းတဲ့အခါ ဘုရားသခင်ရဲ့ကုသခြင်းနှင့်တန်ခိုးတော်ကိုလည်း တွေ့ကြုံခံစားရပါတယ်။ တစ်ခါက ကျွန်မမြေးနေမကောင်းလို့စိတ်ပူခဲ့ပေမဲ့ သူ့ဆီဘာလို့ဆုမတောင်းတာလဲလို့ ဘုရားသခင်က ကျွန်မကိုသတိပေးခဲ့ပါတယ်။ အဲ့ဒီလိုမျိုးသတိပေးတဲ့အခါမှာ ဘုရားသခင်ကသူ့ကိုကုသပေးမယ်လို့ ယုံကြည်လားလို့ ကျွန်မမြေးလေးကိုမေးခဲ့ပါတယ်။ သူက ဟုတ်ကဲ့လို့ဖြေခဲ့ပြီး ရိုးရှင်းသောယုံကြည်ခြင်းဖြင့် ကျွန်မသူ့အတွက်ဆုတောင်းပေးခဲ့ပါတယ်။ မကြာခင်မှာပဲ ကျွန်မမြေးကျန်းမာလာခဲ့ပါတယ်။
ကျွန်မရဲ့ဆုတောင်းချက်တိုင်းကို ဘုရားသခင်ကြားနာကြောင်း ယုံကြည်ပြီး
ကျွန်မဆုတောင်းချက်တွေ အဖြေရရှိတာက ယုံကြည်ခြင်းကြောင့်ဖြစ်ပါတယ်။ ကျွန်မရဲ့သားကတော့ ခရစ်ယာန်တွေအပေါ်အမြင်မှားနေတုန်းပါပဲ။ ဘိုးဘေးယုံကြည်ခြင်းကိုစွန့်လွှတ်ဖို့ သူသဘောမတူပါဘူး။ ကျွန်မဘုရားသခင်ကိုယုံကြည်တာကြောင့် ကျွန်မရဲ့သားက ကျွန်မအပေါ်ကောင်းမွန်စွာ မဆက်ဆံပါဘူး။ ကျွန်မဘုရားသခင်ကိုစွန့်လွှတ်ခဲ့ရင် ဒေါ်လာ ၁၅၀၀ပေးမယ်လို့ ကျွန်မသားက ပြောခဲ့ပါတယ်။ ဒါပေမဲ့ ဘုရားသခင်နဲ့ပိုကြုံတွေ့လေလေ ကျွန်မယုံကြည်ခြင်းကို ဘယ်တော့မှ မငြင်းပယ်ပါဘူး။ ကျွန်မသားကိုရင်ဆိုင်ဖို့ ဘုရားသခင်က ခွန်အားပေးခဲ့ပါတယ်။ ကျွန်မကို ဒေါ်လာ ၅၀,၀၀၀ ပေးရင်တောင် ကျွန်မ ဘုရားသခင်ကိုယုံကြည်ခြင်းစွန့်လွှတ်မှာမဟုတ်ကြောင်း သူ့ကိုပြောခဲ့ပါတယ်။
ဘယ်လိုပဲဖြစ်ဖြစ် ဘုရားသခင်တစ်ပါးတည်းကို ကျွန်မသစ္စာရှိပါမယ်။ ဘုရားသခင်က ကောင်းမြတ်သောဘုရားသခင်ဖြစ်ပါတယ်။ ကျွန်မခင်ပွန်း၊သားသမီးတွေနှင့်မြေးတွေက ဘုရားသခင်ကို ယနေ့အထိလက်မခံကြသေးပေမဲ့ ကျွန်မ စိတ်နှလုံးအကြွင်းမဲ့ယုံကြည်ခြင်းနဲ့ ဆုတောင်းထားတာကြောင့် ကျွန်မမိသားစုဟာ ဘုရားချိန်းချက်တဲ့အချိန်မှာ ကယ်တင်ခြင်းရလိမ့်မယ်ဆိုတာ သေချာပါတယ်။ ဘုရားသခင်ရဲ့ ကျေးဇူးတော်၊ ငြိမ်သက်ခြင်းနှင့် မေတ္တာတော်သည် သင်တို့ဘဝမှာ ပြည့်ဝပါစေ။