Pastor Bernard Lacia Paunda

အစည်းဝေးတစ်ခုမှာ အသက်၅၄ နှစ်အရွယ် Pastor Bernard Lacia Paunda နဲ့ကျွန်တော်တို့ ဆုံခဲ့ပါတယ်။ ဘုရားသခင်ကိုသစ္စာရှိရှိအစေခံမှုအကြောင်း သူ့ဘဝရဲ့သက်သေခံချက်တွေဟာ အခြား Pastorတွေကိုပါ ခွန်အားရစေပါတယ်။
သူဟာ ညီကိုမောင်နှမလေးယောက်ထဲမှာ ဒုတိယမြောက်သားဖြစ်ပြီး ၁၉၉၆ခုနှစ် သြဂုတ်လ ၂၅ ရက်နေ့မှာ မွေးဖွားခဲ့ပါတယ်။ သူ့ရဲ့ဖခင်ဟာ Marilog ခရိုင် Barangay Gumitanမြို့က ဗိုလ်ချုပ်ဟောင်းတစ်ယောက်ဖြစ်ပြီး သူ့အမေက အိမ်ရှင်မတစ်ယောက်ဖြစ်ပါတယ်။ သူတို့မိသားစုဟာ မွေးကတည်းက ခရစ်ယာန်မိသားစုတော့ မဟုတ်ခဲ့ပါဘူး။ ဖိလစ်ပိုင်နိုင်ငံရဲ့ မျိုးနွယ်စုယုံကြည်မှုများစွာထဲက သဘာဝတရားတွေကို ယုံကြည်ကိုးကွယ်တဲ့ Ditawaကိုးကွယ်မှုလို့ခေါ်တဲ့ နတ်ကိုးကွယ်မှုတစ်ခုကို သူတို့မိသားစုက ကိုးကွယ်ခဲ့ကြတာပါ။
သူ့မိသားစုက Matigsaug မျိုးနွယ်စုဝင်ဖြစ်ပြီး ၁၉၇၅ တွင် သာသနာပြုတစ်ဦး ရောက်ရှိလာခဲ့တယ်။ သာသနာပြုဆရာက သူတို့အိမ်မှာသုံးနှစ်ကြာနေခဲ့ပြီး တစ်မိသားစုလုံးကို ယေရှုခရစ်၏အကြောင်းနှင့်ကယ်တင်ခြင်းအကြောင်းကို သင်ကြားပြီးပြုစုပျိုးထောင်ပေးခဲ့ပါတယ်။ အဲ့ချိန်မှာ သူ့ရဲ့ဖခင်က ရွာသူကြီးဖြစ်တဲ့အတွက် တစ်ရွာလုံးကလည်း ယေရှုခရစ်ကို လက်ခံခဲ့ကြပြီး သူတို့ရွာဟာ Marilog ခရိုင်မှာ ခရစ်တော်ယုံကြည်သော ပထမဆုံးသောရွာဖြစ်လာခဲ့ပါတယ်။ သူ့မိသားစုက ခရစ်တော်ဆီလာတဲ့သူတိုင်းကို ကူညီဖို့ဘယ်တော့မှမရပ်ခဲ့ပါဘူး။
တစ်မိသားစုလုံးခရစ်တော်ရဲ့ ကယ်တင်ခြင်းလက်ခံရရှိခဲ့ချိန်မှာ Bernard ဟာအသက်၁၃နှစ်ဖြစ်ပါတယ်။ အဲ့ဒီအချိန်ကစပြီး Bernard ဟာဘုရားသခင်ကိုယုံကြည်ခြင်းဘယ်တော့မှမရပ်တန့်ခဲ့ပဲ ဘုရားသခင်ဆီမှာ သစ္စာရှိရှိအစေခံခဲ့ပါတယ်။ ဝမ်းနည်းစရာကောင်းတာက သူ့အမေအသက်ရှင်နေတုန်းမှာပဲ သူ့အဖေဟာသေဆုံးခဲ့ပါတယ်။
အသက်၂၀ အရွယ်မှာ သူ့ကိုယ်ပိုင်မိသားစုရရှိခဲ့ပါတယ်။ အခုချိန်မှာတော့ သူ့မှာ ကလေး၄ယောက်ရှိပြီး ယောကျာ်းလေးနှစ်ယောက်နှင့် မိန်းကလေးနှစ်ယောက်ဖြစ်ပါတယ်။ အဲ့ထဲက နှစ်ယောက်ကအိမ်ထောင်ကျပြီးတော့ ဘုရားသခင်ကိုသစ္စာရှိရှိအစေခံနေကြပါတယ်။ ၁၉၉၀ ခုနှစ်မှာ Bernard ဟာဘုရားသခင်၏ နှုတ်ကပတ်တော်များကို ဝေမျှခြင်းနှင့် ရုပ်ရှင်ပြသခြင်းမှတဆင့် သူ၏ဧဝံဂေလိကို စတင်ခဲ့ပါတယ်။ တောင်ပေါ်ရှိဝေးလံခေါင်းပါးသောဒေသသို့ သတ္တိရှိရှိတစ်ယောက်တည်းသွားပြီး သူ့ရဲ့မျိုးနွယ်စုဝင်တွေဆီ သွားရောက်ပြီး သတင်းကောင်းဝေငှခဲ့တယ်။ တောင်ပေါ်ဒေသသာမက ဘုရားသခင်သူ့ကိုဦးဆောင်တဲ့နေရာတွေကို သူသွားရောက် ဧဝံဂေလိလုပ်ခဲ့တယ်။